Back Penisillien Afrikaans Penicilline ALS ፔኒሲሊን Amharic Penicilina AN بنسلين Arabic بينسيلين ARZ পেনিচিলিন Assamese Penisillin Azerbaijani پنیسیلین AZB Пеніцылін Byelorussian
Les penicilines son antibióticos del grupu de los betalactámicos emplegaos profusamente nel tratamientu d'infeiciones provocaes por bacteries sensibles. La mayoría de les penicilines son derivaos del ácidu 6-aminopenicilánico, difiriendo ente sigo según la sustitución na cadena llateral de la so grupu amino. La penicilina G o bencipenicilina foi'l primer antibióticu emplegáu llargamente en medicina; el so descubrimientu foi atribuyíu a Alexander Fleming en 1928, que llogró'l Premiu Nobel en Fisioloxía o Medicina en 1945 xunto colos científicos Ernst Boris Chain y Howard Walter Florey, creadores d'un métodu pa producir el fármacu en masa.
Nun se conoz por completu'l mecanismu d'aición de les penicilines, magar la so analoxía a la D-alanil-D-alanina terminal, asitiada na cadena llateral peptídica de la subunidad del peptidoglicano, suxer que'l so calter bactericida deriva de la so intervención como inhibidor del procesu de transpeptidación mientres la síntesis d'aquel. D'esta miente, la penicilina actúa debilitando la paré bacteriana y favoreciendo la lisis osmótica de la bacteria mientres el procesu de multiplicación.[1]
Esiste una gran diversidá de penicilines. Delles especies de fungos del xéneru Penicillium sinteticen de forma natural penicilines, como'l primer tipu aislláu, la penicilina G. Sicasí, por cuenta de la apaición de resistencies, desenvolviéronse otres families siguiendo básicamente dos estratexes: la adición de precursores pa la cadena llateral nel mediu de cultivu del fungu productor, lo que se traduz na producción de penicilines biosintéticas; y la cambéu químicu de la penicilina llograda pola fermentadura bioteunolóxica, lo que da llugar a les penicilines semisintéticas.[2]
Les penicilines difieren ente sigo según el so espectru d'aición. Por casu, la bencilpenicilina ye eficaz contra bacteries Gram positives como estreptococos y estafilococos, y Gram negatives, como gonococos y meningococos, pero tien d'alministrase por vía parenteral por cuenta de la so sensibilidá al pH ácidu del estómagu. La fenoximetil penicilina ye, sicasí, resistente a esti pH y puede alministrase per vía oral. La ampicilina, amás de caltener esta resistencia, ye eficaz contra otres bacteries Gram negatives como Haemophilus, Salmonella y Shigella.[1]
Magar les penicilines son los antibióticos menos tóxicos, pueden causar alerxes, n'ocasiones severes. Sicasí, solo'l 1 % de los pacientes que reciben tratamientos con betalactámicos desenvolver.[3] Yá que un shock anafiláctico puede conducir a la muerte del paciente, ye necesariu entrugalo enantes d'empecipiar el tratamientu.
Amás de les sos propiedaes antibacterianas, la penicilina ye un efeutivu antídotu contra los efeutos del envelenamientu por α-amanitina, unu de los aminoácidos tóxicos de los fungos del xéneru Amanita.[4]
- ↑ 1,0 1,1 Error de cita: La etiqueta
<ref>nun ye válida; nun se conseñó testu pa les referencies nomaesprescott - ↑ Crueger, Wulf; Crueger, Anneliese (1989). A texbook of industrial microbiology, 2, Sunderland: Sinauer Associates.
- ↑ Solensky R, «Hypersensitivity reactions to beta-lactam antibiotics», Clinical reviews in allergy & immunology 24 (3), doi:, PMID 12721392
- ↑ Enjalbert F, Rapior S, Nouguier-Soulé J, Guillon S, Amouroux N, Cabot C (2002). «Treatment of amatoxin poisoning: 20-year retrospective analysis.». J Toxicol Clin Toxicol 40 (6). PMID 12475187.